Lontara Powada Adaeng-Ngi Indal Patara


Transliterasi oleh

Drs. H. Andi Badaruddin Buraerah

Dari lontaraqnya pammatuangekku Attabe, Wettee Panca Lautang

Ripammulai rampe-rampe-i Lontaraq powada adaeng-ngi INDAL PATARA.

Ritette-i genrang arajang-nge sompani Perdana Menteri-e makkada jajiang-ngi anak permata mattapa seajitta. Napada marennu manengna To maegae engka-e takkappo. Nakkadana Arung-nge topada tama wanuwa-E mitai paramata mattapana SAMATAPURA. Tessiagato ettana pada Iettu’ni napada menre’na ri salassa-E, massuni RAJA BOKORO MABESPAN passaniyasang-ngi kadera sibawa waE ri cere’ ulaweng-nge ribelo-beloi paramata ako’. Natettong-na datuwe SAMATAPURA sibawa tomaegana pakarajai, nakkatenni-ni limanna napatudang-ngi ri kadera ulaweng penno-we ratna mutumanikam, napada marennu manengna To maraja-e engka-e takkappo ri wanuwa-e Samatapura, nasaba marennu manekki ri wettu jajiangetta anak paramata mattappa, nasaba namaseitta muwanneki puwang Allah taala. Nakkadana Raja Bokoro: “E…siajikku rennumani mengkaiyya’ sibawa asauk kinin nawang”.

Naiyya sininna lise’na Salassa-e tessi tolingeng teppa timunna tau mega-e. De-na nappisau oni-oni-e, maggambo’ni anak karungnge, serene bone bolae, jagani To Maraja-e,makkelon-ni Dayang-DayangE, enreng-nge tau makessing-nge saddan na. riyakkani pattowanan na Arung – nge. Alamassiya- siya muwa tedong tedong ritunu , saping, bembe’ bembala, jonga, manu’, itik.

Tenri pabbiring toha anreang-nge puppu kesso. Temmalupupa anak to maraja-e. Purai kuwa makkadani datu-e Samatapura: “Pada tamani’ malai gajanna INDAL PARTARA. Nabawani gajang-nge lao ri yolona Indal Patara, napada makkitana To Maraja-e, napada mitai okina gajangna. Napada suju’na ri Allahu Taala Puwang mappunnai yengngi gajang-nge. Sikalmaisani asenna gajang-na. makkada toi arung-nge ri MANGINDARE Tapada tama mitai paramata mattappana Samatapura. Napada Tarakkana Arung-nge muttama mitai paramata mattappa Samatapura. Napada ritiwirenI kadera muttama ri laleng paddenring.

Makkadani Arung-nge JAELANI timpa’ sai passalowonna Indal Patara, naritimpa’na passalowonna Tau Baru.E, nattappana rupanna, maserro maccaiyya tappana Indal Patara. Napada mappojina To Maraja-E ri AIlahu Taala makkada jajiyang tongeng-ngi sijajitta anak paramata mattappa. Naiyya purana na, pada massimang ni Arung-nge napada nrewe ri wanuwanna. Naiyya pada lettuna na ri bolana pada napauwwanni bainena makkada iyya Allahu Taala pure natarowang memeng.ngiha dalle’na, apa’ iyya siyajitta Raja. Bokoro Mabispan ri pakkita mata engka mopa ana’na makkunrai naiyya orowanewe duat ttaunni umuru’na. Elona tongeng haro Allahu Taala najajiyang anak siyajitta datuwe ri Samata Pure mallaibine.

Pada makko manengni ro adanna sinin na polewe mitai. Takkajeane maneng atinna mitai elo ullena Puwang Allahu Taala. Puraikuwa naiyya Datuwe mallaibine temmaka rennun na atinna mitai ana’na sibawa pakkaritutunna Naiyya Raja Bokoro Mabespan nasuroni ana’ riboko-E lao tampaiwi PATEHUL ARIPIN. Tessiagato ettana na engkana Sanro Botowe sompa suju’ riajena Datuwe. Makkadanji Raja Bokoro Mabespan, E. . .Patehul Aripin kuwaetopa To Panrita-E, Sanro Botowe, weboreng-ngi mupada mitai ajajiyangena anakku, napada cuku’ na pada mitai ulunna, nainappa conga makkita inappa makkada E…Puakku naiya totona anakku temmaka uwita decenna nalolongeng matu araja sewwanna puwang Allahu Taala sibawa akuwasanNa lyanna mua nakko genne’ ni matu seppulo taung umuru’na masarani’ nasaba’ meboni mampeyai asogirenna Alahu Taala.

Naiyya Datuwe naengkaligana adanna To Panrita-E sibawa Sanro Boto- e tassempani arona maseleng. Naiyya Pathul Aripin naitana Datu-we takkajenne, sompani makkada, E. . .Puwakku iyyanaro upowada ridi makkad-e narekko genne’ni seppulo taung umuru’na ana’ta Puang, aja’ lalo taturu-turui macculei olokolo, padaena rapang manu-manu-e, kuwaetopa rapang makkenyawa-e puwang. Purai kuwa, nasaba’ rennun na Datu-we keana’pada risidekkaini ulaweng, salaka, sibawa pakeyang malebbi Panrita-e, To Kasiyasi-e, Pakkere’-e, Sanro Boto-we nenniya To Mamase’-mase’-E. Mappamula toni tudang penni maddiyo-riyo, maddeppungeng maneng toni To Maraja-E sibawa Pakkatenni Ade’-E. Engka maneng toni Lili Passiyajingen-na ri Bokoro Mabespan. makkadani Datu-we ri To Maegana “Winruko Pancakuru dua ulunna”. Tessiagato ettana Panca-e. Nadapini tanra essona. Ala massiya-siya muwa tedong, anyareng, saping, bembe’, bembala, rigere. Ritette’ toni genrang arajang-nge, engka manengni sinin-na bali arung-na. maggambo’ni anakarung-nge, jagani To Maraja-e, serene Bone Bola-e, makkelong-ni Dayang-Dayang-nge, enreng-nge To Makessing-nge saddanna; Rililling-ni paddenring-na Indal Patara. Naiyya purana ililling ripappakeini Indal Patara, Purai ripappakei riyakkani menre’ ri To Maraja-e, nariwali-walina Indal Patara massu saliweng.

Rirakkai-wi pau-pau-we, ripatonang-ni noo ri panca-e naripaggoliling ri Wanuwa-e. Na wekkapitu-i magguliling ri wanuwa-e ri Samatapura inappa ripenre’ri Salassa-e, na ripatterru lao ri Lamming Pulaweng-nge,T na iriwa ri To Maraja-e. Takkajenne’ maneng To mega-e miktai kessinna lndai Patara tenri yulle panyenynyeki (patetteki) pakkita nataro accaiyyana rupanna.

Naiyya Datu-we Mallaibine temmaka rennu-ná inin nawanna mitai ana’na sibawa pakkaritutunna. Alamassiya-siya muwa ana’ To Maraja, ana’ Tau Sogi, ripenjekeng-ngi newai sipaccule lndal Patara. Makkadani Datu-we ri ana’ ri Boko-e laoko mutampaiyyangnga Patehul Ariping. Temmetta toi engkani Patehul Ariping. Makkadani Datu – e: E Pathul Ariping, madecengni mupangaji Indal Patara nasaba engkani maraja-raja, maccatoni makkada-ada. Nasompana Pathul Ariping makkada madeceng sa puang, de’ totu salana, bara’ naloppoi ammani deceng enreng-nge martabat matanre, aga narisidekkaina Pathul Ariping. Purai kuwa soroni Lewo-lewo-E sitarupa, soro toni Patehul Ariping lao ri bolana nasibawai asauk kininnawa. Nadapini tanra essona na enre’na Patehul Ariping ri Salassa-e pangajiwi Indal Patara. Na dua ratui si angajiang, Indal Patara mi bawang degage caui rupai lapaleng-nge. Tessiagato ettana mangaji natemme’na Indal Patara, naripaggurusi mattajewid.

Temme’si Tajewidna Indal Patara, ripaggurusi massarape, Temme’si sarape’na ripaggurusi mannahawu. Temme’si Nahawunna, ala massia-sia muwa kitta nabaca Indal Patara, ripangajisi mattapsere, enreng-nge kitta maraja laeng-nge. Napoaseng-ni Indal Patara biccu’ mopi na Panrita marajana. Namarennu na lnan-na enreng-nge Aman-na. Makkadani Datu-e Samatapura ri bainena: “E….Andi maeganiro pengissengeng nalolongeng ana’ta. Iyyamani depa nalolongeng-ngi, depa naisseng-ngi maccule-cule peddang-nge sibawa mappalari nyareng-nge. Iyyaparo waseng-ngi macca narekko naisseng-ngi lyaro cule-cule-we. Namanenneng-na, nacukuri natemmeri-e. Makkadani Raja Bokoro Mabespan ri To Marajana : ‘Madeceng-ngl mupattimummu maneng-ngi Pabbanua-e engka-e ANYARENG-NA, napada tiwi-i mai, nasaba’ meloka’ mita-i INDAL PATARA maccule ri yolona Salassa-e Iettu ri along-ngalong-nge. Ala’ mua nassu ri saliweng panuwa.

Purai kuwa timummu maneng-ni Pabbanuwa-e engka-e anyareng-na ri yolona Salassa-e ri SAMATAPURA. Na-ripappangujuna Indal Patrara, ripabbulaweng-ngi, riparamatai batu eja enreng-nge peddang-na. Natettong-na Indal Patara ri laleng-na baruka-e, na samanna merra’ riyanjong makkatenni-wi peddangna. Na okkomua ri laleng-na tabo-tabowang-nge. Naiyya ri wettu tettonna Idal Patara.

Advertisements

About Andio HP Saade

Blog ini kupersembahkan untuk semua saudara, teman, kerabat dan keluarga tentunya my bigboy is Bilal Andi Ramadhan View all posts by Andio HP Saade

You must be logged in to post a comment.

%d bloggers like this: